Posibleng sa mismong impeachment trial eon lang pagadesisyunan ro pagbukas it Bureau of Internal Revenue (BIR) box nga may sueod nga mga tax records ni Vice President Sara Duterte.
Suno kay Senate President Win Gatchalian, owa eon it pagahimuon nga pre-trial conference makaron nga domingo para buksan ag markahan ro BIR box.
Ginpahayag ni Gatchalian nga sa mismong pagbista eon lang pagadesisyunan it Senate Impeachment Court ro pagbukas it selyadong kahon.
Indi man sigon sa Lunes magadesisyon ro impeachment court para sa BIR box kundi kon iga-raise raya it House prosecution team sa tunga it pag bista.
Ro House prosecution team hay nagsumite sa Impeachment Court it manifestation para pabuksan ro nasambit nga BIR box.
Ro nasambit nga kahon hay ginsumite kato it BIR sa House Committee on Justice nga nagpa-subpoena it tax records ni VP Duterte apang owa raya ginpabuksan sa Kamara bilang pagsunod sa non-disclosure provisions angot sa mga tax records sa idaeum it National Internal Revenue Code.
