Nagpahayag si negosyanteng si Crisostomo Aquino nga kuntento eon sanda sa desisyon it COMELEC nga nagkanselar it certificate of candidacy ni Barangay Yapak Captain Hector Casidsid bangud sa gin-alegar nga sobra eon raya sa ginatugutan nga tatlong termino.
Suno kay Aquino, imaw ro nagpasaka it petisyon kontra kay Casidsid ku 2023. Gin-alegar man nana nga may mga personal ag legal nga kaso sanda, kaibahan ro uwa sigon nabayaran nga utang, isyu sa eugta, ag pagbuoe sa anang mga kagamitan.
Ginpanawagan man nanaro pag-audit sa Barangay Yapak agud mausisa ro gin-alegar nga mga iregularidad sa paggamit it pondo ag implementasyon it mga proyekto.
Sa pihak nga bahin, uwa pa nagatao it opisyal nga pahayag si Casidsid angot sa mga bag-ong alegasyon nga ginbuyagyag ni Aquino.
