Nagapati si Atty. Jojo Lacanilao nga posibleng manduan it impeachment court si Vice President Sara Duterte nga personal nga mag-atubang sa pilang parte it impeachment trial para mag-eksplikar sa mga kontrobersiyal nga isyung nakabaehag sa reklamo kontra kana.
Suno kay Lacanilao, kaibahan sa mga posibleng ipaathag ni Duterte ro pagkakaiba sigon sa anang tax records, financial capacity, ag mga bank transaction nga naungkat sa pagpamati it House Justice Committee.
Nakadepende gihapon sigon sa argumento it House prosecution panel kun pagapasugtan it impeachment court ro nasambit nga tikang.
Ginhambae man it abogado nga posibleng ipa-subpoena it House prosecution panel ro kontrobersiyal nga green box nga may sueod nga tax records it bise presidente, maskin nga naibalik eon raya sa Bureau of Internal Revenue matapos ibasura it impeachment court ro temporaryong kustodiya kara bangud sa kawad-an it legal nga basehan.
