Ginpahayag nanday La Union 1st District Rep. Paolo Ortega V ag Zambales 1st District Rep. Jay Khonghun nga pwedeng magtuga it pagduda sa publiko ro padayun nga owa pagtambong ni Vice President Sara Duterte sa anang impeachment trial.
Suno kay Ortega, natural eamang nga isipon it publiko ag ko mga senator-judges nga may ginatago ro Bise Presidente kun padayun raya nga indi maga-atubang sa pagpamati.
Reaksyon raya it daywang mamalidha sa resulta it pinaka-ulihing Social Weather Stations (SWS) survey nga nagahambae nga 70 porsiyento it mga Pilipino ro gusto nga sabton ni Duterte ro mga kasong anang ginapangatubang sa impeachment trial.
Ginpahayag man Khonghun nga kun magapadayun ro pagpamalibad ni Duterte, posibleng mapas-eawan ro publiko.
Samtang, ginhalimbawa ni Khonghun ro sitwasyon it Bise Presidente sa sangka akusadong nagalikaw sa saeabton.
Sa makaron, owa pa gihapon it personal nga pagtambong si Duterte sa siyam nga adlaw nga impeachment trial.
Suno sa Office of the Vice President, sa biyahe imaw makaron sa Qatar, United Kingdom, ag Netherlands umpisa Hulyo 16 hasta 31.
