Ginbulgar ni Ombudsman Jesus Crispin Remulla nga gina-imbestigahan eon it anang taeatapan ro reklamong graft kontra sa mag-inang sanday Senador Loren Legarda ag Batangas Representative Leandro Leviste.
Suno kay Remulla, raya hay angot sa gina-alegar nga “ghost” electricity contract nga nagabalor it indi maganaba sa P10 bilyon.
Sa pihak kara, ginpamilit it Ombudsman nga ginatos nga bilyong piso ro nakulimbat halin sa kaban it nasyon.
Madumduman nga nadaeahig si Leviste matapos kara nga ibaligya ro anang kompanyang Solar Philippines sa negosyanteng si Manny Pangilinan matapos kara nga makabo-oe it prangkisa agud nga magbutang it mga solar microgrid sa bilog nga nasyon ko administrasyon ni dating Pangueong Rodrigo Duterte.
Ginpahayag man it MGEN Corp., nga ginapanag-iyahan ni Pangilinan, nga nakabo-oe raya it kaugalingon nga prangkisa halin sa Kongreso, kun sa siin, mag-eowas pa raya sa SP New Energy Corp. nga ginbakae it MGEN halin kay Leviste.
