Nakataeanang talakayon it House of Representatives sa Agosto 17 ro proposisyong P7.2 trilyong pambansang badyet para sa 2027.
Ginkumpirma raya ni Manila Representative Bienvenido Abante Jr., matapos isumite ro proposisyong budget sa Kamara ku Agosto 11.
Maga-umpisa ro deliberasyon sa briefing it Development Budget Coordination Committee ukon DBCC, nga magatalakay sa paga-bue’an it pondo, lebel it gaeastuson mga proposisyong budget it nagkaeain-eain nga departamento ag ahensya it gobyerno.
Kaibahan sa may pinakamabahoe nga alokasyon ro Department of Education nga may P976 bilyon, Department of Public Works and Highways nga P644 bilyon, ag Department of Health ag PhilHealth nga may P353 bilyon.
Samtang, nakataeanan ro P328.8 bilyon para sa Department of National Defense, P302.2 bilyon para sa transport sector, P261.7 bilyon para sa Department of Agriculture, P241.1 bilyon para sa DSWD, P176.5 bilyon para sa state universities and colleges, ag P86.3 bilyon para sa Judiciary.
