Nanawagan si Iran President Masoud Pezeshkian nga tapuson eon ro pilang buean nga gera sa tunga it Iran ag Estados Unidos, ag ginpabutyag nga mas mayad nga tapuson ro inaway samtang mabaskog pa ag may dignidad ro anda nga pungsod.
Gindepensahan ni Pezeshkian ro memorandum of understanding nga ginkasugtan it Iran ag US ku Hunyo nga nagatuyo nga tapuson ro inaway.
Suno kana, uwa it parte sa kasugtanan nga nagapakita nga nagasuko ro Tehran ag ro mga commitment hay para eamang sa pihak nga bahin.
Suno pa sa pangueo, ginkikilaea kuno it kalibutan ro anda nga panindugan ag ginakusahan nana ro Estados Unidos nga nag-atake sa mga eskwelahan, ospital ag mga imprastraktura sa Iran.
Ro pahayag ni Pezeshkian hay kasunod it pag-anunsyo ni Supreme Leader Mojtaba Khamenei nga gin-aprobahan nana ro kasugtanan para tapuson ro gera, bisan pa man may nagkaeain-eain nga panan-aw nahanungod kara.
