BORACAY, Island — Kumpyansa ro Philippine Aquatics Inc. (PAI) nga makapatigayon it mas mabahuean pang international swimming events sa Pilipinas matapos ro madinaeag-on nga paghost it 4th Southeast Asia Open Water Swimming Championships sa isla it Boracay sa banwa it Malay.
Suno sa PAI, naging importante ro tatlong adlaw nga kompetisyon bilang pagpahaom sa pagpatigayon it mas maeagkuang event, kaibahan ro mga Asian Open Water Championships ag World Cup events.
Positibo man ro naging pag-usisa it World Aquatics evaluator nga si Damian Van de Berg sa naging pag-organize ag paghost it Pilipinas.
Suno kana, may una eon nga bastanteng pundasyon ro nasyon para sa mas mabahuean nga international competitions, maskin nga kinahang-ean pa it mas maeapad nga pasilidad ag resources.
Ginakabig mat-a it Philippine Sports Commission nga naging test run ro kompetisyon para sa mas maeagko nga sporting events sa Boracay ag iba pang beach destinations sa nasyon.
