KALIBO, Aklan—Ginbatikos it labor group ro Department of Labor and Employment ukon DOLE sa klarong pagpabor sa mga kapitalista matapos nga nagnaba sa P60 pesos ro gintaas sa sweldo it mga trabahador sa National Capital Region (NCR) halin sa P85 pesos nga nauna eon nga naaprubahan it Regional Tripartite Wages and Productivity Board-National Capital Region (RTWPB-NCR) apang ginpaiway ro implementasyon.
Suno sa labor leader and activist nga si Leody De Guzman, mabahoe nga kawad-an sa mga trabahador ro P25 pesos nga increase nga uwa pa man naipatuman hay naduea eon raya nga matsa bula.
Nagapati si De Guzman nga ginsabon it mga kapitalista si Labor Secretary Francis Tolentino rason nga nagpaguwa it bag-ong Wage Order NCR-28 nga nakaangkon sigon it konsultasyon ko Setyembre 2 maskin nga una pa sa court injunction ro Wage Order NCR-27.
Dugang pa it labor leader nga klarong uwa ginaamligan it DOLE ro mga trabahador nga nagakinahang-ean kunta it dugang-sweldo bangud nga bukon it bastante ro kita it mga minimum wage earner para sa andang pang-adlaw-adlaw nga kinahang-ean.
Posibleng maipatuman ro nasambit nga bag-ong pagtaas it sweldo sa maabot nga Setyembre 26 ukon 27.
