Ginaeauman nga iga-atubang it House prosecution panel bilang testigo si dating Senator Antonio “Sonny” Trillanes IV sa impeachment trial ni Vice President Sara Duterte makaron nga domingo.
Suno kay prosecution legal spokesperson Atty. Benjamin “Jay” Tolosa Jr., gusto kunta nanda nga iga-atubang si Trillanes, adlaw it Miyerkules, Setyembre 30, apang nakansela ro nakataeanang hearing matapos magdeklara ro Senate impeachment court it “strategic procedural pause.”
Magapadayun ro trial sa Huwebes, Oktubre 1, para sa bilog nga adlaw nga pagpamati.
Sa pihak kara, ginapag-isipan pa it prosecution ro suhestiyon ni Presiding Officer Francis “Chiz” Escudero nga unahon ro testigo halin sa Anti-Money Laundering Council o AMLC, kamana man ro mga may kaangtanan sa bank records, bago iga-atubang si Trillanes.
Nauna eon nga ginpaiway it impeachment court ro pag-isyu it subpoena kay Trillanes, apang ginpahayag ni Escudero nga pwede sa gihapon imaw nga boluntaryong patawgon it prosecution.
Ginaeauman nga magatau si Trillanes it testimonya angot sa mga alegasyon it “unexplained wealth” kontra kay Vice President Duterte. Kaibahan man sa mga nakataeanang mag-atubang nga saksi sanday Atty. Kathy Baldonado, Atty. Marco Pineda ag AMLC Executive Director Atty. Ronel Buenaventura.
