Ginpahayag ni defense spokesperson Atty. Michael Poa nga masobra sa 90 identified ag reserved witnesses ro nakalista para sa depensa ni Vice President Sara Duterte sa impeachment trial.
Suno kay Poa, ginpamalibaran nana ro mga espekulasyong uwa it ebidensya ukon testigong igapaatubang ro depensa.
Apang, uwa gihapon nanda natumod kon pila sa mga nakalistang saksi ro aktuwal nga igapaatubang samtang nagapadayon ro pagbista.
Nagpamalibad man si Poa nga ibulgar ro pagkasunod-sunod it andang presentasyon it ebidensya, kaibahan kon pagaunahon ro alegasyon it grave threats, bangud sa kaparte raya it estratehiya it depensa.
Gin-insister nga una sa prerogatiba it depensa ro pagdesisyon kon paano ag sa anong pagkasunod-sunod nanda igapaatubang ro andang mga ebidensya.
