Ginkwestyon it kampo it depensa ni Vice President Sara Duterte ro pamaagi ag propesyonal nga eksperyensya ni financial forensic analyst Atty. Alexander Cabrera sa pag-usisa it mga financial records nga ginpresenta sa impeachment trial sa Senado makaron nga adlaw it Lunes.
Sa cross-examination, gin-ako ni Cabrera nga uwa nausisa it anang grupo ro tanan nga bank records ni Duterte ag it anang asawang si Atty. Manases Carpio bangud sa limitadong tyempo.
Uwa man direktang nabuoe it grupo ro mga dokumento halin sa mag-asawa ag uwa sanda naka-istorya.// nakabase eamang ro anang report sa mga dokumentong gintao it prosekusyon.
Nauna eon nga ginpahayg ni Cabrera nga umabot sigon sa ₱817.87 milyon ro indi mapaathag nga manggad ni Duterte halin 2022 hasta 2025.
Ginkwestyon man it depensa ro anang eksperyensya sa forensic accounting ag ro mga konklusyon kara angot sa pageabag sigon it bise presidente sa mga laye para sa mga opisyal it gobyerno.
Kaibahan sa mga kasong ginabista sa impeachment trial ro indi sigon mapaathag nga manggad, uwa eubos nga pag-bulgar it mga propyedad ag kapaseawan nga buhian ro mga interes sa negosyo.
Ginpamalibaran it depensa ro mga pasibangud ag nagpahiwatig nga magadihon pa raya it kaugalingon nga ebidensiya ag mga testigo.
