-- ADVERTISEMENT --

Nagtau it padumdum ro aktres nga si Kim Chiu para sa mga kapareho nana nga Pilipinong breadwinner nga importanteng maka-intiguhan nga mag-share it ginakita sa pamilya, apang indi man pagkalipatan nga magtigana it kwarta para sa kaugalingon nga kinahangeanon.

Sa sangka press conference, ginpahayag ni Kim nga nakasanayan eon it maabung Pilipino ro magbulig sa andang pamilya, eabi eon kun sanda ro may ikasarang nga kumita ag magtau it pinansiyal nga suporta.

Sa pihak kara, ginpamilit it aktres nga importanteng makaangkon it balanse sa pagbulig sa pamilya ag pagtipon it kwarta para sa kaugalingon nga puturo.

Ginpakigbahin man ni Kim ro anang naging suporta sa pagtuon it anang manghud sa Canada hasta nga raya hay makatapos ag maging sangka commercial pilot.

Samtang, ginaeauman nga magiging masako man si Kim sa mga promotional activity para sa pelikulang “A Perfect Marriage,” kun sa siin, maka-ibahan nana ro anang rumored boyfriend nga si Paulo Avelino.

-- ADVERTISEMENT --

Nakataeanang igapaguwa ro nasambit nga pelikula sa Disyembre 25 bilang kaparte it Metro Manila Film Festival (MMFF) 2026.