BORACAY Island — Ginahueat pa it Aeta community sa isla it Boracay ro gin-apela nanda nga motion for reconsideration nga ginpasaka sa office of the president.
Raya hay matapos nga gindenied ro andang motion for reconsideration nga gindihon sa regional ag central office it Department of Agrarian Reform ukon DAR angot gihapon sa andang ginapakigsukoe nga eogta kon sa siin ginabawian ro mga raya it Certificate of Land Ownership Award ukon CLOA.
Suno kay Aeta community Boracay legal counsel Atty. Daniel Dinopol, uwa pa it resulta ro ginpasaka nanda nga dokumento nga kapin sa daywa hasta tatlong buean eon ro nakataliwan.
Ginpahayag dugang it abogado nga uwa gihapon sanda nadudueaan it pag-eaum bangud sa engkasong ma-denied maghalin sa opisina it presidente hay igapasaka eon nanda raya sa mataas nga hukom.
Reasonable suno kana ro pakikipagsukoe it mga Aeta bangud sa ginpatueoan nanda it hueas ro paglimpyo, pagpananom ag pagpanami sa eogta nga ginpagkaloob kanda ni dating President Rodrigo Duterte sa anang administasyon.
Panindugan it mga raya nga uwa nanda ginpangayu-a ro eogta ag kusang-loob nga ginpasaalima kanda.
