Ginapaharang it Department of Agriculture (DA) ro pag-import it manok ag iba pang mga pispis ag poultry products halin Austria ag Japan kon sa siin nakaangkon it avian influenza ukon bird flu outbreak ko kan-o eamang.
Gintimbre it Japan sa World Organization for Animal Health nga nakaangkon sanda it kaso it bird flu sa Hokkaido ko Oktubre 16 ag naghambae man ro Austria nga nagka-outbreak it bird flu sa andang nasyon ko Oktubre 7.
Nagpaguwa si Agriculture Secretary Francisco Tiu Laurel Jr. it Memorandum Order No. 48 ko November 12 kon sa siin ginmando ro import ban it manok, pispis ag poultry products halin sa Japan.
Kasunod kara ro Memorandum Order No. 49 para mat-a sa import ban sa Australia.
Tuyo it Department Agriculture sa ginhimo nga tikang nga amligan ro lokal nga industriya.
Ginmanduan man ni Laurel ro Bureau of Animal Industry nga inde magtao it import permit ukon sanitary phytosanitary import clearance para sa mga manok, pispis, ag poultry products halin sa Japan ag Austria.
