KALIBO, Aklan—Nagapadayun ro monitoring it provincial mobile force company it Aklan Police Provincial Office ukon APPO agud nga bantayan ro posibleng pag-atake it mga teroristang grupo.
Suno kay P/Staff Sgt. Jane Vega, tagapaghambae it APPO, halin pa dati hasta sa makarun hay owa gid nagpundo sa pagbantay ro first ag second mobile force company sa probinsya it Aklan.
Samtang nag-apela man raya sa publiko nga magkooperar sa andang ginapatigayon nga operasyon.
Maskin sigon nga gindeklarang insurgency free ro Aklan halin pa ko dag-on 2011 hay owa it kasiguraduhan nga euwas raya sa mga terorista.
Dugang pa kara nga dapat maging aware sa mga makadueodang indibidwal ag gilayon nga magreport sa maeapit nga taeatapan it pulisya agud mataw-an it nagakaigo nga inugtaeopangod.
