KALIBO, Aklan—Kampante ro gobyerno probinsiyal nga pamatian it Senado ro andang pag-oponer sa ginaduso nga Boracay Island Development Authority ukon BIDA bill sa idaeum it Government Owned and controlled corporation ukon GOCC.
Suno kay Vice governor Atty. Reynaldo “Boy” Quimpo nga nagpasa sanda it sangka resolusyon nga naka-address sa mga senador kun sa siin dikara hay nakabaehag ro hugot nga pagpamaeabag it gobyerno probinsiyal sa ginaduso nga bida bill.
Ko nagtaliwan nga adlaw hay may mga senador eun sigon nga nagpaabot kanda nga sanda mismo hay bukon it pabor nga boe-an it kinamatarong ro lokal nga gobyerno agud nga domaeahan ro bantog nga Isla it Boracay.
Nasayuran nga hasta makarun hay ro Boracay Inter-agency Task Force ukon BIATF sa gihapon ro nagadumaea sa pilang ka mga proyekto sa Isla partikular eun nagapadayun nga rehabilitasyon.
