Nagaapela ro Aklan Provincial Health Office sa mga pamatan-on nga naga-engage sa multiple sex nga magpatest it HIV ukon human immunodeficiency virus.
Suno kay J-Lorenz Dionisio, Nurse III it PHO Aklan nga uwa sanda it dapat ikabaeaka bangud nga raya hay libre sa mga testing facility ag confidential ro andang identity.
Ro kaso it HIV hay ginakabig eon makaron nga public concern bangud sa nagatinaas nga numero ag uwa pa it naimbento nga bueong para dikara. Apang, pwede nga maagapan ag masugpunan ro kabuhi it mga indibidwal nga nagakabuhi nga may HIV pinaagi sa pagtao it libreng anti-retoviral ukon ARV drugs.
Ginpahayag dugang ni Dionisio nga ro probinsya it Aklan hay una sa pang ap-at nga pwesto sa bilog nga Western Visayas kon sa siin halin ko Enero hasta it Marso it presenteng dag-on hay nakalista sanda it 30 nga bag-ong kaso.
Sa kabilugan nga datos maghalin sa Department of Health, ro nasyon hay nakalista it kapin sa 509% nga pagtaas it HIV cases halin ko 2015 hasta ko 2024. Raya hay ginakaeakipan it 101 cases ko 2022; 2023 nga may 112 nga kaso ag ko 2024 nga umabot sa 128 cases.
Ro mga edad nga tinamaan it HIV hay una sa 25-34 years old nga kapin sa 384 individuals samtang ro una mat-a sa edad nga 15 hasta it 24 anyos hay umabot 192 cases.
Iya sa probinsya it Aklan hay may testing facility sa Aklan provincial hospital, RHU sa banwa it New Washington, Malay ag isla it Boracay.
