KALIBO, Aklan – Pangaywang beses eun ni John Alex Yu sangka medalist sa katatapos nga Palarong Pambansa 2024 ag tumandok it Brgy. Mabilo, New Washington nga makasueod sa nasambitan nga aktibidad apag uwa it hauli nga medalya ku una.
Sa makaron nga dag-on nag-uli imaw it gold medal ag 4 x 100 meter relay bangud nga imaw ro best runner sa Aklan sa ginhiwat nga Western Visayas Regional Athletic Meet.
Malipayon man imaw sa anang naeksperyensyahan nga pribiliheyo bangud sa pagiging atleta.
Pagsaysay nana nga gin-eapitan imaw it maabo nga mga sikat nga unibersidad sa Manila kapareho it Adamson University, Far Eastern University ag maabong iba pa nga katuyuan nga imaw hay tanyagan it full scholarship nga ana pa nga ginapiinuhan.
Nag-umpisa ro anang hilig sa pagsampit it anang amigo hasta sa nagresulta sa pag-intra sa andang eskwelahan.
Samtang, may una man sigon sanda nga pagabatunon nga incentives bilang mga atleta.
