-- ADVERTISEMENT --
KALIBO,Aklan– Pursigido ro chess player nga si Neo Kervy Dublin nga maiuli sa probinsya it Aklan ro kadaeag-an sa Palarong Pambansa 2023 nga igapatigayon sa Marikina City.
Suno sa anang trainor nga si Gonzalo Fernandez Jr., nag-ensayo it husto ro player agud nga may ikasukoe sa mga kaparehong player it ibang rehiyon.
Maskin idto sigon sanda hay padayon ro anang training samtang uwa pa ro andang hampang.
Si Dublin hay sambilog sa mga delegado it Western Visayas sa Palarong Pambansa matapos nga gindomina ro nasambit nga hampang ko nagtaliwan nga Western Visayas Regional Athletic Association ukon WVRAA Meet 2023 nga ginpatigayon mismo iya sa probinsya it Aklan.
