SPORTS News — Nabutang makaron sa kontrobersiya ro pangaean it Algerian boxer nga si Imane Khelif matapos naghampang sa Paris 2024 Olympics.
Napiyerde ni Khelif ro Italian female boxer nga si Angela Carini sa andang hampang kun sa siin nag-euhod raya ag nagtangis samtang nagahambae nga makaron eamang imaw nakabatyag it grabeng kabaskog it mga bayo sa sangka boxing match.
Apang, antes pa mag-grabe ro mga transphobic propaganda, si Khelif hay napamatud-an nga gin-unga nga babaye ag bukon it eaeaki, kabaliskaran sa claim ni Carini ag iba pa nga mga kritiko it Algerian boxer.
Suno sa Algeria Olympic Committee, si Khelif hay natural born female, apang may una imaw nga Disorder with Sex Development (DSD) nga rason kun ham-an nga may unaw imaw nga XY chromosomes ag mataas nga testosterone.
Raya man ro rason kun ham-an nga na-disqualify imaw sa 2023 IBA Women’s World Boxing Championship nga ginasugid nga bangud sa anang medical issue.
Dugang pa, hugut nga ginabawae ro transgender identity sa Algeria, ro nasyon nga ginarepresentar ni Khelif.
Raya hay nagakahueugan nga indi pwedeng magpabag-o it gender, pisikal man, medical, ukon mangin sa mga legal nga dokumento ro mga pumueuyo it Algeria.
Apang maabu ro nagahambae nga may advantage sa gihapon si Khelif bangud may una imaw nga mga male characteristics.
Nasayuran nga bukon it tanan nga mga hampang nana sa women’s world boxing hay nagdaog imaw humalin ko 2018.
