KALIBO, Aklan—Naging sunod-sunod ro mga Automated Counting Machine (ACM) roadshow ro ginpatigayon it Commission on Elections (COMELEC) sa probinsiya it Aklan para sa paeaabuton nga eleksyon sa Mayo 12, 2025.
Suno kay Atty. Christian Itulid, election officer it Comelec Kalibo nga nagpasakop kara ro mga katapo it Kalibo Municipal Police Station, Bureau of Fire Protection, ag iba pa sa ginhiwat nga ACM roadshow.
Kaparte sigon it voters’ education ag information dissemination ro adbokasiya it Comelec agud nga mapahisayod sa mga botante ro mga pagbag-o nga igapatuman para sa maabot nga eleksyon.
Dugang pa nana nga pinaagi sa roadshow, maipakita it COMELEC bukon eamang ro mga bag-o nga feature it ACM kamaa man nga maipaabot ro mga inisyatibo it Komisyon partikular ro adjusted nga oras it early voting ag iba pa.
Samtang, ginpahayag man ni Atty. Itulid nga kabilugan nga naging madinaeag-on ro andang ginpatigayon nga demonstration it Automated Counting Machine (ACM) sa mga kabarangayan sa Kalibo sa gintigayon nga ACM roadshow.
Mag-eowas sa mga law enforcement agency, nagpatigayon man ro Comelec Kalibo it ACM demo ag roadshow sa mga mga katapo it media ag pilang taeatapan.
Nagtapos ro mga roadshow ko Enero 30, 2025.
