KALIBO, Aklan—Ginakabig nga challenge ni Monico Basallote ro bag’ong Civil Aviation Authority of the Philippine ukon CAAP Aklan manager ro pagreshuffle kanda nga mga managers sa Region VI nga area eabi eun ag mas doble ro kaabuon it mga personnels it Kalibo International Airport sa dating airport nga gindumaeahan nana.
Apang pagpati nana nga ro pagreshuffle kanda hay kaparte it andang trabaho kun siin raya ro unang kahigayunan nga ma’assign imaw sa sangka international airport.
Haom man sigon imaw sa mga hangkat nga posibleng mapangatubang sa nnasambitan nga paeuparan.
Nauna eon nga nagpatigayon raya it staff meeting ag ginlatag ro anang mga plano.
Sa makaron nakakalista sanda it 2 international flights ag 5 domestic flights kumpara sa Roxas nga 4-5 flights eamang sigon.
Pahayag nana makipagkooperar sanda sa gobyerno agud nga maibalik ro dati nga kaabuon it flights sa Kalibo.
Suno kana nga padayon man sa gihapon ro 24/7 nga serbisyo it paeoparan sa pihak it pagbuhin sa mga flights.
Tutukan man sigon nanda ro mga pasilidad nga kinahang’ean ayuson sa andang terminal building.
May animal hazard man sigon sanda kontra sa mga pispis sa mga runway it KIA.
Nasayuran nga halin sa maabo nga mga airports si Basallote kun siin sa Roxas ro anang ulihing assignment antes nga naassign sa Kalibo International Airport.
