KALIBO, Aklan—Nagapati si dating sangguniang panlalawigan member ag political analysts nga si Atty. Harry Sucgang nga nagapangunang katuyuan it gina-umpisahan makaron nga balikatan exercises it Pilipinas ag Estados Unidos hay agud nga kontrahon ro agresyon it China sa West Philippine Sea.
Dapat suno kana nga matapna ro paghari-harian it China sa nasambit nga teritoryo.
Mag-eowas kara, gusto man nga ipakita it mga magkaalyadong nasyon nga nagapabilin ro andang mutual defense treaty ukon kasugtanan nga may kaangtanan sa national security it Pilipinas ag ro sinserong pagbulig sa nasyon.
Dugang pa it opisyal nga raya hay manami nga estratehiya agud nga mabugtaw ro China sa kamatuoran ag itau eon ro mga teritoryo nga andang gina-aku.
Ro ginapatuman eamang sigon it nasyon hay ro pag-exercise sa soverign rights sa nasakupan nga teritoryo ag bukon eamang it limitado sa military exercises ro kasugtanan sa US ag iba pang nasyon.
Madumduman nga temporaryo nga naduea ro balikatan exercises ko tiempo ni dating pangueong Rodrigo Duterte.
