KALIBO, Aklan— Padayon ro pagtaas ko presyo it mga baeak-eon ag serbisyo sa probinsya it Aklan.
Base sa datos nga ginpaguwa it Philippine Statistics Authority (PSA)-Aklan, raya hay kasunod ko pagtaas it inflation sa probinsya it kapin sa 8.1% ko Setyembre halin sa 2.0% it nagtaliwan nga dag-on.
Ro pagtaas sigon it presyo sa Aklan hay sambilog sa may pinakamataas sa rehiyon it Western Visayas kasunod it Negros Occidental nga may 9.1%.
Raya hay nagsobra eon sa national average nga 6.7% ag regional rate nga 7.6%.
Ginaangot raya sa 24.1% nga pagtaas sa presyo it ilimnong aeak ag tobacco; kamana man ro 11.0% nga pagtaas sa transportasyon; ag 10.9% sa pagkaon ag maging sa non-alcoholic beverages.
Bangud sa resulta it inflation, ro purchasing power it peso sa probinsya hay nag-abot sa P84.00 ko Setyembre nga nagakahueogan nga ro mabakae nga pagkaon ag serbisyo sa presyong P84.00 pesos ko 2012 hay mabakae it P100.00 ko Setyembre 2018.
