KALIBO, Aklan–Haum eon ro Bureau of Fire Protection (BFP)-Ibajay sa pagsabat sa anumang malistang sunog ukon aksidente sa pagsug-aeaw makaron nga bag-ong dag-on.
Suno kay SFO3 Rommel Ignacio, hepe it BFP-Ibajay nga ko nagtaliwan nga adlaw hay pormal nga ginbuksan ro andang sub-station nga nahamtang sa barangay hall it Naisud, Ibajay.
Makabig sigon nga strategic ro lugar bangud nga raya hay accident prone area.
Samtang, makaron pa eamang hay ginpasaeamatan ni SFO3 ignacio ro promisa ni Mayor Jose Miguel Miraflores nga pagataw-an sanda it ambulansiya sa masunod nga dag-on nga mabahoe nga bulig sa pagresponde sa mga vehicular accidents.
Samtang, sa idaeum it oplan iwas paputok campaign, ginpadumdum kara ro mga pumueuyu nga likawan ro paggamit it paeupok para sa kaeowasan it tanan.
Sa baylo hay maggamit eon lang it mga alternatibong pamaagi agud nga makahimo it sangag.
Masuwerte man suno kana nga owa it may nag apply it permit nga mga negosyante nga gustong magbaligya it paeupok sa nasambit nga lugar
