KALIBO, Aklan—Padayun nga ginapadumdum it Bureau of Fire protection ukon BFP-Malay ro may kaangtanan sa pagpatigayon it fire safety sa panimaeay.
Suno kay Fire Senior Inspector Arnold Dimaano, Malay Municipal Fire Marshall nga kinahangan nga matun-an it kada panimaeay ro ginatawag nga EDIT ukon “exit drill in the home” partikular ro pag-obra it exit plan engkaso nga makaangkon it sunog.
Kaeabanan sigon nga bukon it sa kaeayo nagakamatay ro mga tawo sa pagtuhaw it insidente it sunog kundi sa suffocation.
Sa pihak nga parte, umpisa makaron nga adlaw it Biyernes, Disyembre 23 hasta Enero 1, 2023 hay naka-heightened alert eon ro BFP nga ginakabig nga peak season umpisa sa pagbaligya it mga paeupok.
Sandig sa naga-eksister nga laye, bawae nga magbaligya it paeupok sa isla it Boracay.
Ginapasugtan raya sa mainland malay kun sa siin may sambilog eamang nga negosyante ro nag apply it permit.
