KALIBO, Aklan—Owa pa it may nailistang insidente angot sa paeupok makaron nga 2022 sa banwa it Malinao.
Suno kay FO2 Jay Rowen Teodosio, tagapaghambae it Bureau of Fire Protection ukon BFP-Malinao nga temprano ro preparasyon nanda sa maayos nga pagbaligya it paeupok it mga negosyante nga nahamtang sa may Brgy. Biga-a.
Daywang negosyante suno kana ro naka-comply sa mga gintaeana nga regulasyon rason nga ginpasugtan nga makabaligya it paeupok para sa pagsug-aeaw sa Bag-ong Dag-on.
Ginpasiguro man ni FO2 Teodosio nga nakaalerto ro andang fire station ag haum nga rumesponde kun kinahangean sa posibleng matabu nga sunog ukon aksidente man.
Samtang, sa banwa it malinao hay naka-record sanda it tatlong fire incidents sa bilog nga 2022.
