KALIBO, Aklan—Masobra sang buean eon matapos nga uman nga buksan ro isla it Boracay sa mga turista it Western Visayas apang nagapabilin gihapon raya nga maeanghay.
Suno kay Department of Tourisim (DOT-VI) Regional Director Atty. Helen Catalbas, nga kapin sa 871 nga mga turista paeang ro nagsueod sa isla matapos rayang buksan ko nagtaliwan nga Hunyo 16, 2020.
Aminado man si Atty. Catalbas nga sa pihak it sigidas nga pagpanikasog it mga local officials ag negosyante sa Boracay hay nagapabilin nga mahina ro mga nagabisita tuga it ginapangatubang nga krisis daea it COVID-19 pandemic.
Nagaeaum man raya nga masunod ro minimum health standard eabi eon it mga nagasueod sa isla agud nga mapabilin raya nga eowas sa paeag it COVID-19.
Ginpahayag dugang nga maskin may ginapangatubang nga pandemya ro nasyon hay nagapabilin nga COVID-19 free ro Boracay.
Samtang, sa pihak nga parte, ginpaathag man ni Atty. Catalbas nga indi gid mahimo nga mabuksan ro Boracay sa iba pang probinsya ag rehiyon maeuwas sa Western Visayas.
Matueopangdan nga uman nga igabutang sa Modified Enhanced Community Quarantine (MECQ) ro National Capital Region (NCR), Bulacan, Cavite, Laguna ag Rizal umpisa makarun nga adlaw Agosto 4 hasta 18.
Base eon man sa rekomendasyon it National Inter-Agency Task Force ag gin-aprubahan ni Pangueong Rodrigo Duterte kasunod it hinyu nga ‘time out’ it mga medical frontliners sa tunga it padayun nga pagtaas it mga kaso it tinamaan it deadly virus.
