May bastante nga supply it bottled water ag kandila sa Western Visayas para sa selebrasyon it pista minatay Nobyembre 1, 2024.
Ginpahayag ni Department of Trade and Industry (DTI) Regional Director Rachel Nufable, nagapabilin nga establi ro Suggested Retail Price (SRP) it bottled water, kandila ag iba pa nga nagapanguna nga baeak-eon.
Base sa SRP it ahensya, mabakae ro bottled water sa presyo nga P8.25 hasta P75 depende sa brand ag kabug-aton.
Samtang, ro kandila man hay pwedeng mabakae sa presyo nga P33.42 hasta P177.71 depende sa brand, kabahoe ag kadamoe.
Mag-eowas sa tubi ag kandila, kaibahan man sa ginabantayan makaron it DTI hay ro presyo it mga bueak.
Sa pihak kara, nagpaandam ro ahensiya nga posibleng pagamultahan ro mga negosyante nga magapamentaha ukon magapatuman it sobra nga presyo sa SRP.
Nag-abiso man ro DTI sa kada LGU nga pabaskugon ro andang monitoring pinaagi sa andang natungdan nga mga local price monitoring council.
