INTERNATIONAL News – Nakapahaom ro Cambodia nga mag-export it bugas sa Pilipinas nga magahalin sa sobra kara bieang parte it pagpursige it daywang ka nasyon nga pabaskugon ro andang relasyon.
Suno sa Department of Foreign Affairs (DFA), ro pangako it Phnom Penh hay nag-umpisa kat mag-courtesy call si Philippine Ambassador to Cambodia Flerida Ann Camille Mayo kay Prime Minister Hun Manet, ko Hulyo 16.
Suno pa sa ahensya, naka-eaan ro andang meeting sa mutual interest it daywang nasyon, kaibahn ro economic partnerships, defense and security engagements, ag people-to-people ties.
Samtang, ginhambae ni Mayo nga haom ro Pilipinas nga makipagbuligan sa Cambodia sa pagpatuman it laye, partikular eon sa pamaagi nga magkaibahan sa pagbilog it mga standard arrangement para sa rescue ag repatriation it mga Pilipinong biktima it human trafficking ag cyber scam operations sa sueod it nagairal nga Memorandum of Understanding on Cooperation sa Pagkuntra sa Transnational Crime.
