Canadian national, nasapwan nga patay sa anang gindayunan nga hotel sa isla it Boracay–PNP

KALIBO, Aklan—Sangka 68 anyos nga eaeaking Canadian national ro nasapwan nga patay sa sueod it anang gina-istaran nga hotel sa Isla it Boracay.

Ro nasambitan nga domueoong hay nakataeana kunta nga magacheck out ko petsa 29 it Marso apang naalarma eamang ro mga staff it hotel kat owa sa gihapon raya nagaguwa sa anang kwarto.

Sa pagsikyar it mga staff hay nasapwan eamang raya nga naga-eubog sa kama ag owa eun it kabuhi.

Base sa inisyal nga findings it  doktor nga nagdeklarang patay sa  biktima hay sangka  natural death ro hitabo ag posibleng inatake raya sa tagipusuon ag namatay.