KALIBO, Aklan–Plano makaron it lokal nga gobyerno nga ayuson ro physical structure ag e-expand ro covered court sueod it Kalibo Pastrana Park.
Suno kay Carla Suñer-Doromal, Executive Assistant I to the Mayor nga ko gabi-i it Biyernes hay nagpadaea kana it mensahe ag plaka si Mayor Juris Bautista-Sucro it rehabilitated covered court.
Matueopangdan nga kaparte raya it ginpatigayun nga proyekto it alkalde kat imaw hay sambilog sa mga miyembro it Sangguniang Bayan pa eamang.
Raya hay pinaagi sa inisyatiba ni Sen. Grace Poe.
Gin-insister man kara nga sambilog ro lugar sa pinakamasako nga venue nga ginagamit sa nagkaeain-eain nga aktibidad ag programa it banwa.
Target sigon it alkalde nga matutukan ro konstruksyon kara.
Ginpahayag dugang nga nakataeana pa sanda nga magpatigayun it serye it pagpueong sa mga masunod nga adlaw kaibahan ro alkalde ag mga concerned committee agud nga masayun kung may alokasyon eon para kara ag kung kinahang-ean pa nga magpangayo it pondo para matigayun ro proyekto.
