KALIBO, Aklan—Magataeana it coronavirus disease ukon COVID-19 fast lane sa mga tent nga gintukod sa guwa it provincial hospital.
Suno kay Dr. Cornelio Cuatchon it Provincial Health Office ukon PHO nga ro mga pasyante nga may ubo, eagnat ag sip-on hay magapila sa nasambit nga fast lane.
May ginasunod sigon sanda nga guidelines kon paalin ro mga pasyente nga ma-classify bilang persons under investigation ag persons under monitoring.
Sa pihak nga parte, nagapabilin nga epektibong pang kontra sa makamaeatay nga virus ro pirmeng paghugas it alima, pagpabaskog it immune system, healthy lifestyle ag iba pa.
Kapareho it mga nagakatabu sa ibang nasyon, naexperiesiyahan man makaron sa probinsiya ro pag-panic buying it mga pumueuyu it face mask, alcohol, sanitizer ag iba pa.
Owa it rason suno kana nga mag-stock it face mask eabi pa ag ro eubus nga nagakinahangean kara hay ro mga health workers nga frontliners bangud nga sanda ro naga-atubang sa mga posibleng apektado it COVID-19.
