Ginrekomenda it Department of Health (DOH) nga paeawigon hasta sa masunod nga dag-on ro state of calamity para sa covid-19 engkaso nga ibasura it Kongreso ro sangka hagna sa public health emergency.
Suno kay DOH officer-in-charge Maria Rosario Vergeire, andang pagahinyuon sa Pangueo nga paeawigo eon lang ro state of calamity ukon magdihon it sangka hagna nga sangkiri eamang ro sueod ag specific eamang ro mga requirements kung indi pagpaeawigon ro state of calamity.
Gin-engganyo man it DOH ro mga mamalidha nga magpasa it Public Health Emergency for Emerging and Re-emerging Disease Bill ag hagna nga para sa pagtukod it Philippine Center for Disease Prevention and Control.
Kaparte sigon it mga hagna ngara nga apisar owa it deklarasyon it state of calamity ukon public health emergency, puwedi sa gihapon nga ipadayon ro pagpatuman it vaccination program.
Una kara, sa idaeom it bag-ong administrasyon pinaeawig it Pangueong Marcos Jr. ro state of calamity para sa covid-19 hasta sa katapusan it presenteng dag-on.
