Ginkumpirma it Philippine Coast Guard (PCG) nga una eun makarun sa euwas nga kahimtangan ro tanan nga crew it cargo vessel nga LCT AVIVA 80 matapos nga maka-eksperiensiya it grabe nga bagyo sa may bahin it Bajo de Masinloc sa Zambales.
Sa pakikipag-angot it Bombo Radyo kay PCG Spokesperson, Commodore Armand Balilo, nakaistorya eun sigon it mga Coast Guard personnel ro kapitan ag crew it barko ag presenteng una sa maayos nga kondisyon ro mga raya.
Ginpahayag ni Balilo nga gilayon man nga nagresponde ro mga tawuhan it Coast Guard sa Zambales, matapos makabatun it impormasyon angot sa sangka cargo vessel nga nagapangayo it ayuda bangud sa nakasagupa nanda nga mabaskog nga humbak it tubi tuga it maeain nga tiyempo.
Ro Bajo de Masinloc hay makit-an sa Zambales sa may bahin it West Philippine Sea.
Naalarma ro mga crew it barko bangud nagasueod ro tubi sa dagat sa sueod it barko.
