NATIONAL News — Ginpanawagan ni Agriculture Secretary Francisco P. Tiu Laurel Jr., sa pumueuyo nga indi pag abusuhon ro P29 rice program it Department of Agriculture (DA) nga ginlunsar adlaw it Biyernes, Hulyo 5.
Ro nasambit nga programa hay inisyatibo ni President Ferdinand Marcos Jr., nga nagatuyo nga makatau it may kalidad nga bugas sa presyo nga P29 eang kada kilo para sa mga napilian nga mga benepisyaryo nga ginaeakipan it mga miyembro it 4PS, solo parent, persons with disability (PWD), ag senior citizen.
Ginpahayag ni Sec. Laurel nga dapat malikawan ro pag-abuso sa programa, eabi eon ro pagbaligya it uman sa mga benebisyaryo it bugas nga ginbakae sa manaba nga presyo bangud gusto it DA nga maabu nga pumueuyo nga pobre ro makapanipueos sa programa it gobyerno.
Sa makaron, pwedeng makabakae it P29 kada kilo nga bugas sa mga Kadiwa centers sa Metro Manila ag Bulacan.
Pagahimuon raya kada Biyernes, Sabado, ag Dominggo umpisa alas-8 it agahon hasta alas-5 it hapon. Naga-abot sa 10 nga kilo ro pwedeng mabakae it mga benepisyaryo sa sueod it sang buean.
Padumdum it ahensya nga magdaea it ID ro mga interesado nga magbakae it bugas.
