Apisar nga uwa pa naga’umpisa ro plano nga pagbaligya it bugas sa P29 kada kilo, nagpadumdom ro Department of Agriculture (DA) sa mga konsyumer nga indi abusuhon ro nasambitan nga programa.
Ginhimo it ahensiya ro apela, kadungan it posibilidad nga balik’balikan euman it mga mga konsyumer ro mga baratong bugas, nga may limitasyon eamang sa volume nga mahimo bak’eon it kada pamilya.
Suno kay DA Spokesperson Assistant Secretary Arnel de Mesa, target target it gobyerno nga magpanginpueos ro mga marginalize sector sa nasambitan nga programa ngani kinahang’ean eubton it mga konsyumer nga limitado eamang ro andang mabakae.
Padumdom it DA official sa mga konsyumer nga indi sobrahan ro bak’eon sa baylo hay ginpamiliit nga taw’an man ro iba man nga kwalipikadong magbakae.
Paliwanag pa ni De Mesa, ro nasambitan nga programa ay supplemental option eamang para sa mga pobre nga pamilya agud mabuhinan ro andang mga gaeastusan.
Sa inisyal na plano, ro mga kaibahan eamang sa marginalize sektor ro makabakae, kapaareho it solo parents, PWDs, mga pobre nga pamilya ag iba pa.
Saligan nga maipaguwa it DA ro sueondan sa pagpatupad it programa, bago ro pag’umpisa sa Hulyo 2024.
