NATIONAL News — Ginkumpirma ni Vice President Sara Duterte nga owa it seryoso nga medical condition ro anang ama nga si dating Presidente Rodrigo Duterte.
Suno kay VP Duterte, ro ginareklamo eang it dating presidente hay ro pagpaeanakit it anang tuhod ag likod nga suno sa opisyal, normal eang nga ginabatyag it mga magueang.
Pahayag pa kara, nabudlayan man ro anang ama sa grabeng kaeamig sa The Netherlands.
Ginkumpirma man it bise presidente nga mahina eon ro function it mata ag dueunggan it dating presidente bangud man anang edad.
Nasayuran nga 79 anyos eon si Duterte ag maga-selebrar it anang ika-80 nga kaadlawan sa Marso 28, 2025.
Padayun nga nakakulong si Duterte sa opisyal sa The Hague, Netherlands matapos nga gin-aresto sa gahum it arrest warrant it International Criminal Court.
Nagapangatubang imaw sa kaso nga crimes against humanity may kaangtanan sa pagkamatay it linibo nga mga indibidwal kadungan it war on drugs nga anang ginmandu sa idaeum it anang administrasyon.
