Naka-usoy eon sigon ro Department of Budget and Management (DBM) it P238 bilyong pondo nga pwedeng gamiton it gobyerno sa pagsabat sa problemang tuga it mataas nga presyo it produktong petrolyo.
Sa pag-atubang ni acting Budget Secretary Rolando Toledo sa hearing it Legislative Energy Action Development (LEAD) Council, adlaw it Miyerkules ginpahayag kara nga ro nasambit nga kantidad hay una sa available appropriations it 2026 national budget ag continuing appropriations.
Suno kay Toledo maskin nga agresibong magasabat ro administrasyong Marcos sa krisis hay maid-id man nga ginabantayan ro fiscal space it nasyon.
Dugang pa ni Toledo nga nakapaguwa eon it P2.5 bilyon para sa transport assistance kamana man ro P1 bilyon para sa service contracting agud nga mabuligan ro operasyon it public transportation.
Nagapadayun man sigon ro pagtau it bulig pinaagi sa Assistance to Individuals in Crisis Situations (AICS) program.
May una man sigon nga suportadong ginatau sa mga naga-uli nga overseas Filipino workers sa idaeum it Department of Migrant Workers at Overseas Workers Welfare Administration.
Para sa farm ag fisheries sectors, ginpahayag ni Toledo nga kapin sa P10 bilyon ro naipaguwa eon agud nga mabuligan ro mga mangunguma ag mangingisda.
