Nagpadumdum ro Department of Health (DOH) sa publiko angot sa peligro it mga heat-related illnesses tuga it matinding init ag mataas nga heat index.
Suno kay Health Secretary Teodoro Herbosa, kaibahan sa mga posibleng maeksperyensya ro dehydration, heat cramps, heat exhaustion, ag heat stroke. Ro mga magueang, unga, ag may gina-indang masakit ro pinakaapektado.
Kaibahan sa mga sintomas ro pagkalipong, eagnat, pagpamanhid, ag mainit nga mapueang panit. Laygay it DOH, likawan nga magtinir sa mainit nga lugar ag ugalion nga uminom it tubi.
Gin-laygayan man ro publiko nga magtinir sa sueod it baeay halin 9 a.m. hasta 4 p.m., magsuksok it maugan nga eambong, gumamit it sunscreen, ag magdaea it payong ukon pamaypay bilang proteksyon kontra sa init.
Sa pihak nga posibleng humantong sa emergency ro mga kondisyon ngara, ginpahayag ni Herbosa nga madasig magmayad ro kaabuan sa tamang pag-bueong.
