Kalibo Aklan ——Gin-engganyo it Department of Education ( DepEd-Aklan) ro mga ginikanan nga insigidang magpa enroll ag indi paghueaton ro “last minute” .
Suno kay Niro Nillasca it DepEd Aklan nga tuyo kara nga maestudyuhan eagi ag mapahauman ro mga kinahangeanon nga mga materyales .
Gindugang pa kara nga igapatuman nanda ro remote enrollment umpisa Hunyo 1 hasta 15 para sa mga pampublikong eskwelahan .
Raya hay owa nagakahueugan suno kana nga pisikal gid nga maga-agto sa eskwelahan ro mga ginikanan ag indi kinahangean nga daehon ro mga unga .
Ro mga manugturo it mga learners sa nagtaliwan nga school year ro makikipag-angot sa mga ginikanan pinaagi sa text , tawag ukon messenger sa facebook .
Sa Hunyo 15 hatsa 30 hay para sa mga ginikanan nga owa it access sa internet ag cellphone nga ginatawag nga physical enrollment .
Dikara hay pagataw-an it pormas nga enrollment ag survey form ro mga ginikanan nga pwedeng mabo-oe sa mga Barangay Hall ukon sa mga eskwelahan , kun sa siin, raya hay gina-schedule agud nga mapatuman ro social distancing .
Gina survey ro mga ginikanan agud nga masayuran ro andang kapasidad sa online learning .
Nasayuran nga mag-eowas sa online learning hay igapatuman ro modular learning kamana man ro radio ag TV based instructions .
Ginpahayag dugang nga kon may mga pangutana angot sa enrollment, pwedeng magtawag sa DepEd Public Assistance Command Center.
