Kalibo Aklan ——-Nag-apela ro Department of Interior and Local Government (DILG-Aklan) sa mga opisyal it banwa ag mga Barangay nga tinguhaan nga indi mahaluan it kontrobersiya ro andang pagpanupod it cash aid sa mga benepisyaryo it Social Amelioration Program (SAP) sa tunga it Enhanced Community Quarantine bangud sa coronavirus disease (COVID-19).
Suno kay DILG Provincial Director Engr. Carmelo Orbista nga raya hay kasunod it mga napabalitang waea-tuo nga mga reklamo partikular ro mga owa nakabaton it bulig pinansiyal halin sa gobyerno .
Gin-abisu pa kara nga hugut eamang nga sundon ro guidelines agud nga malikawan ro anuman nga problema, partikular ro pagtumod sa mga pinakapobreng pamilya nga nagakinahangean it bulig .
Ginaeauman nga makaron nga domingo hay syento porsoyento eon nga makompleto ro distribusyon it SAP sa bilog nga Aklan .
Sa pihak nga parte, uman nga ginpadumdum it DILG Official nga sundon ro nakabaehag sa Executive Order ni Governor Florencio Miraflores partikular ro mandatory nga pagsuksok it face mask, social distancing ag ro pagpabilin anay sa sueod it tagsa ka panimaeay.
Ro sin-o sigon nga naga-eabag sa ECQ hay magapangatubang sa nagakaigo nga kaso.
