Magapaguwa it sueondan sa mpox ro Department of Health (DOH) para nagkaeain-eain nga settings ag establisyimento bilang bahin it pagtinguha nga punggan ro pagkalat it viral disease.
Sa sangka pahayag, suno sa DOH nga nagahimo sanda it “consultative and participatory approach” sa paghimo it mga sueondan kara, base sa mga mandato kara sa idaeom it Sanitation Code (PD 856) ag ro Notifiable Diseases Act (RA 11332).
Samtang, ginbisita ni DOH Secretary Ted Herbosa ag Acting City Health Officer Dr. Ramona Asuncion DG. Abarquez it Quezon City, kaibahan ro DOH ag Quezon City health officials ag staff ro daywang establisyimento ku Sept. 3 agud talakayon ro mpox prevention bilang bahin it pagpahaom ag response measures.
Pahayag ni Herbosa nga ginapahaegahan it DOH ro kooperasyon it mga establisyimento kapareho it mga barbershop, salon, ag spa sa pagsabat kontra sa mpox.
Halin ku Setyembre 1, ginapakita it datos it DOH nga may una nga 17 kaso it mpox sa Pilipinas halin ku Hulyo 2022.
Sa mga raya, waeong kaso tanan hay nakita ku Agosto makarong dag-on, hay nagapabilin nga aktibo ag nagahueat it mga resulta it pagbueong.
