KALIBO, Aklan–Nagpatigayon it orientation ro Department of Science and Technology Region VI’s (DOST VI) Disaster Risk Reduction Management Unit (DRRMU) sa mga stakeholder sa probinsya it Aklan para sa preparasyon it full roll-out it Strategic Incident Georeferencing for Nationwide Alertness ukon ro ginatawag nga Project SIGNAL sa Western Visayas.
Suno kay DRRMU Head Ryan Vilmor J. Dumpit, tuyo ka nga makaangkon it mas madasig nga transmittal it incident report sa oras nga may mga insidente ukon kalamidad nga maga-eontad.
Sa pamaagi ngara hay gilayon nga maassess ro sitwasyon kon kinahang-eanon baea it madalian nga ayuda ukon bulig.
Ginpaathag ni Dumpit nga kinahang-ean eon makaron nga madirekta sa data base system ro tanan nga nagakatabo sa ground kabulig ro mga natungdan nga ahensya it gobyerno.
Sa raya nga tikang sigon hay mabaton nanda gilayon ro report ag inde eon abuton it pilang adlaw para makadesisyon kon anu ro mahimo sa nasambit nga insidente ukon sitwasyon.
