KALIBO, Aklan — Nagapangatubang sa kasong reckless imprudence resulting to homicide ro driver it pampasaherong bus nga nakabungguan it sangka motorcycle rider sa intersection sa diversion road sa banwa it Lezo.
Raya hay matapos nga ginpaidaeum sa inquest proceedings sa Aklan prosecutors office.
Suno kay P/Lt. Zoila Hilario, deputy chief of police it Lezo Municipal Police Station nga natabu ro insidente bandang alas-10:20 it agahon it Domingo, Enero 5, 2025.
Ro 30 anyos nga rider, sangka miyembro it Philippine Coast Guard ag residente it Brgy. Lilo-an, Malinao hay gindeklarang dead on arrival sa Aklan Provincial Hospital bangud sa patal nga lastro sa anang ueo ag iba pang parte it anang eawas.
Ro bus nga halin sa Estancia, Iloilo nga may sakay nga mga pasahero hay nagapa-agto kunta sa Brgy. Caticlan kat makabungguan ro motorsiklo nga ginamaneho it biktima nga halin sa Kalibo ag nagapa-uli eon kunta sa banwa it Malinao .
Samtang, laygay man it mga awtoridad nga maging defensive driver sa tanan nga oras kun sa siin importante nga sundon ro road safety signs partikular ro minimum ag maximum speed sa karsada ag iba pa.
