KALIBO, Aklan–Ginsaksihan ni Department of Social Welfare and Development ukon DSWD Undersecretary Allan Tanjusay ro ikaywang distribusyon it educational assistance sa mga pigadong estudyante sa probinsiya it Aklan makaron nga adlaw it Sabado (August 27).
Suno kana nga maskin nga nakaangkon it pilang glitches, apang sa pangkabilugan hay naging mas maayos ag sistematiko eon ro pagtau it ayuda.
Nasayuran nga si Usec. Tanjusay hay ginpadaea ni DSWD Sec. Erwin Tulfo sa Aklan agud nga personal nga i-monitor ro pay-out.
Pila sa mga nataeupangdan nga problema kaina hay ro pagbakasakali it ibang mga ginikanan ag estudyante nga maeakip sa listahan maskin nga nauna eon nga gin-anunsyo nga indi sanda magabaton it walk-in beneficiaries.
Kaina hay ro mga social worker sa gihapon ro nag-interview sa kliyente samtang ro LGU ro nagtau it venue para sa payout ag mga dugang nga tawuhan kapareho it mga cashier, pulis, ag mga traffic enforcer ag mga tanod.
Uman raya nga nagpadumdum sa mga nagahandum nga makabaton it educational assistance nga magparehistro anay ag maghueat it text message antes nga mag-agto sa gintaeana nga venue it payout.
Raya hay agud nga malikawan ro natabu nga gulo sadistribusyon ko nagtaliwan nga Sabado (August 20).
