-- ADVERTISEMENT --
KALIBO, Aklan — Pagadugangan pa ro mga security cameras sa isla it Boracay.
Suno kay acting Malay Mayor Frolibar Bautista nga 34 nga units it closed-circuit television (CCTV) cameras nga pagabantayan it round-the-clock it surveillance team it Municipal Disaster Risk Reduction and Management Office (MDRRMO) sa mainland Malay.
Ro dugang sigon nga cameras hay pagagamiton bukon eamang sa pag-monitor sa mga krimen kundi para sa disaster management ag emergencies.
Igabutang sigon raya sa long beach nga may kaeayuon nga 100 meters ro agwat it kada isaea.
Sa pihak nga parte, plano man makaron it LGU-Malay nga magbutang it daywang pontoon agud nga malikawan ro pagdungka it mga motorbanca ag iba pang seacrafts sa frontbeach.
-- ADVERTISEMENT --
