BALITANG ESPESYAL – Sangka eaeaki halin sa Canada ro nakalista it world record matapos kara nga madasig nga mahigop ro tanan nga sueod it sangka doy pack it orange juice gamit ro paper straw!
Ginkumpirma it records keeping organization nga Guinness World Records nga ro speed eater nga si Mike Jack ro pinakabag-ong record holder it titueong “Fastest Time to Drink a Capri Sun (paper straw)”.
Raya hay matapos nana nga maubos ro Capri Sun juice sa sueod it 21.71 seconds gamit ro sangka paper straw.
Suno sa Guinness, bukon it madali nga ma-achieve ro world record nagra bangud apisar nga madali nga himuon sa piniino.
Kun ikumpara raya sa “Fastest Time to Drink a Capri Sun (regular straw)”, bihira ro mga challenger nga nagahana nga kumasa sa hangkat nga mapirde ro paper straw category.
Mag-euwas sa titueo ngara, napasaalima man ni Jack ro mga tituoeng: fastest time to eat 50 Carolina reaper chili peppers (6 minutes, 49.2 seconds), the fastest time to eat 100 Carolina reaper chili peppers (36 minutes, 38.81 seconds).
