BALITANG Espesyal — Sangka kakaibang talento ro nagdaea kay Williams Martin Sanchez Lopez, sangka ama halin sa Montevideo, Uruguay, sa Guinness World Records bangud nga masarangan nana nga pabusluhon ro anang mga mata it haeos 19 millimeters!
Si Williams nga naga-istar makaron sa Milan, Italy hay opisyal eon nga ginakilaea para sa titulong “farthest eyeball pop (male)” matapos masukat it anang doktor ro anang daeayawon nga orbital protrusion nga umabot it 19 mm ukon 0.74 inches.
Suno kay Williams, nadiskubre nana ro anang talento kat imaw hay waeong dag-on pa eamang, samtang naga-joke ag nakikipagsunlugan sa anang mga amigo sa eskwelahan.
Sa pagtaliwan it paniempo hay mas pa nana nga gin-praktis ro anang abilidad pinaagi sa pag-master kon paalin nga kontrolon ro mga parte sa palibot it anang mga mata hasta nga matun-an nana nga pabusluhon raya it bilog paguwa sa anang eye socket.
